Schenkung Aterahof an Bamberg
Nr. 148: Heinrich schenkt dem von ihm gegründeten Bisthum Bamberg den Ort Aterahof. → Quelle
„In nomine sanctae et individuae trinitatis. Heinrius divina favente clementia rex. Saluberrimis igitur sacri eloquii institutionibus erudimur et admonemur, ut temporalia relinquentes bona et terrena postponentes commoda aeterna et sine fine mansura in celis studeamus adipisci consistoria. Quapropter nos dominicis non surdum auditum prebentes preceptis et deificis obtemperando intendentes suasionibus quendam nostrae paternae hereditatis locum Babenberc dictum in sedem et culmen episcopatus sublimando proveximus et Romana auctoritate atque venerabilis Heinrici Vvirciburgensis episcopi consensu ac pari communique omnium nostri fidelium tam archiepiscoporum quam episcoporum abatumque nec non ducum comitum consultu decretoque in honorem sanctae dei genitricis Mariae sanctorumque apostolorum Petri et Pauli nec non martirum Kiliani atque Georii stabilivimus et corroborabimus, ut et inibi nostrum parentumque nostrorum celebre haberetur memoriale et iugis pro omnibus ortodoxis hostia mactaretur salutaris. Proinde noverit omnium nostri fidelium tam presens etas quam et successura posteritas, quia nos nostrae proprietatis quendam locum Aterahof et in comitatu Gebehardi comitis situm ad eandem episcopalem sedem Babenberc dictam una cum omnibus eius pertinentiis sive adherentiis, videlicet vicis villis aecclesiis servis et ancillis areis aedificiis terris cultis et incultis viis inviis exitibus et reditibus quaesitis vel inquirendis silvis forestibus saginis venationibus aquis piscationibus molis molendinis rebus mobilibus et inmobilibus ac ceteris rebus omnibus quae rite dici vel scribi possunt utilitatibus, hac nostrae auctoritatis precaptali pagina, prout firmissime possumus, donamus atque proprietamus, omnium contradictione remota, precipientes igitur, ut nobis in deo dilectus sepe dicte sedis Eberhardus episcopus liberam dehinc habeat potestatem ac sui successores eundem prescriptum locum Aterahof dictum cum omnibus appendiciis suis tenendi possidendi seu quicquid sibi libeat modis omnibus in usum episcopatus inde faciendi. Si quis igitur, quod absit, huius nostrae donationis munificentiam destruere sive violare presumet, in novissimo die coram oculis dei inextinguibili tormento luat. Quod ne fiat, sed haec traditio nostra ab omnibus incorrupta permaneat, hanc cartam inde conscriptam manu propria roborantes sigilli nostri impressione insigniri iussimus.
Signum domni Heinrici (M.) regis invictissimi.
Eberhardus cancellarius vice Uuilligisi archicapellani recognavi.
Data kal. Nov. Indictione v, anno dominice incarnatonis MVII, anno vero domni Heinrici secundi regnantis VI; actum Franconofurt; feliciter amen.“
